Sál við sál.

 

Horfðu í augun á mér

Sál mín blasir við þér.

Horfðu á augun á mér.

Hjartað hamförum fer.

 

Haltu í höndina á mér

Ég hef margt að sýna þér.

Haltu í höndina á mér.

Fylgdu mér hvert sem ég fer.

 

Nú verður þú að treysta mér

og trúa á orðin mín.

Horfðu í augun á mér.

 

Sál við sál

Ást er okkar tungumál.

Við skulum eyða saman ævikvöldinu,

sál við sál

 

Lag / Agnar Steinarsson og Júlíus Jónasson

Texti / Agnar Steinarsson

 

 

Einhvern dag

 

Hvað er það sem þú leitar að?

Kannt þú að segja mér það?

Hvað er það sem kom í minn stað?

Kannt þú að segja mér það?

 

Samband vort er byggt á sandi

sem kastali í fjöru.

Brimið bráðum ná mun landi

og bera þig með valdi burt frá mér.

 

Einhvern dag ferð þú burt frá mér.

Einhvern dag ég missi þig.

Einhvern dag ég sé á eftir þér.

Einhvern dag ég þú svíkur mig.

 

Hvað er það sem seiðir þína sál?

Kannt þú að skýra það mál?

Hvað er það sem nærir lífs þíns bál?

Kannt þú að skýra það mál?

 

Vor ást var byggð á veikum grunni

sem spilaborg á borði.

Eitt lítið orð úr þínum munni

mun feykja henni tafarlaust um koll.

 

Lag / Agnar Steinarsson og Júlíus Jónasson

Texti / Agnar Steinarsson

 

 

 Eina óskin mín.

 

Árin hafa liðið og óskir hafa ræst.

Ég man gleði og sorgir,

glæstar skýjaborgir.

Ástin hefur lifað og ævintýrið er í raun

aðeins að byrja, ég vil bara spyrja?

 

Viltu vaka dimmar vetrarnætur?

Viltu dansa inn í morguninn?

Ég mun þerra tárin ef þú grætur.

Lífið er einskisvert án þín.

Þú ert óskin mín.

 

Aldrei mun ég æðrast

og aldrei mun ég iðrast þess

sem ég hef valið, fólgið þér og falið.

Allar mínar vonir

og allar mínar innstu þrár

eru að rætast, hjörtu okkar mætast.

 

Viltu deila með mér nóttu og degi?

Viltu dansa inn í morguninn?

Ég mun leiða þig á lífsins vegi.

Leiðin er endalaus án þín.

Þú ert óskin mín.

Viltu dansa inn í morguninn?

Viltu eyða með mér einni ævi?

Alltaf ég leita mun til þín.

Þú ert eina óskin mín..

 

Lag / Lloyd Webber/ Hart/ Stilgoe

Texti: Agnar Steinarsson

 

 

 Prinsessa

 

Mér finnst ég vera fangi hér,

fangi inn í sjálfri mér.

Enga finn ég flóttaleið

og frelsi er bara draumur.

Hvað olli þessum örlögum

ævilöngum álögum?

Á ég enga aðra leið?

Er enginn semr heyrir í mér?

 

( prinsessa ) í sálu minni sefur.

( prinsessa ) hjarta mitt hún hefur

( prinsessa ) hvenær mun hún opna augun?

( prinsessa ) þungan ber ég krossinn

( prinsessa ) hvenær kemur kossinn..

( prinsessa ) sem leysir mig úr álögunum?

 

Ég veit að góðan veðurdag

verður öllu kippt í lag.

Kóngssonurinn kemur senn

með kossinn á varir mínar.

 

Lag / Agnar Steinarsson og Júlíus Jónasson

Texti / Agnar Steinarsson

 

 

Aðeins eina nótt.

 

Mér finnst sem hún hafi gerst í gær,

glíman sem við háðum.

Reiðin sem þá bjó í brjósti mér

bitnaði á þér.

Ég sá það löngu síðar vinur kær.

Sökin var hjá báðum.

Fæstu til að fyrirgefa mér ?

Fæ ég hjá þér.

 

Aðeins eina nótt

en ekki bara einnar nætur gaman.

Aðeins eina nótt

að elska þig á ný.

Þegar allt er hljótt

að endingu við náum aftur saman.

Þegar allt er hljótt elskumst við á ný.

 

Sorgir eru sálarinnar tár,

svör eru vandfundin.

Sannleikurinn sigrar þá á ný ,

sannaðu til.

Tíminn lælnar lundarinnar sár,

að lokum grær undin.

Lengi lifir gömlum glæðum í.

Getur þú veitt mér annan möguleika á því?

 

Aðeins eina nótt

en ekki bara einnar nætur gaman.

Aðeins eina nótt að elska þig á ný

Eina nótt í örmum þínum aftur og aftur

og aftur með þér.

Lag: Klaus Munro / Dimitri Plessers / Mario Panas

Texti: Agnar Steinarsson.

 

 

Sek eða saklaus.

 

Ástríðuglæpur, örlagaspor.

Afbrotamaðurinn situr hér á meðal vor.

En hver er sekur og hver er sár?

Sönnunargögnin eru blóð, svitti og tár.

 

Nú vil ég fá að vita meira.

Viltu reyna að svara mér?

Nú vil ég sanna sögu heyra.

Segðu mér eins og er. Hvort er ég.

 

Sek eða saklaus?

Samviskan berst um í brjósti mér.

Sek eða saklaus?

Segðu mér allt af létta, er ég

Sek eða saklaus?

Salómónsdóminn ég fæ frá þér.

Sek eða saklaus?

Segðu mér bara eins og er.

 

Gefðu mér frelsi, gefðu mér grið.

Gefðu mér gætur, gefðu mér frið.

En hver er sekur og hver er sár?

Sönnunargögnin eru blóð, sviti og tár.

 

Lag / Agnar Steinarsson og Júlíus Jónasson

Texti / Agnar Steinarsson

 

 

Aldrei of seint.

 

Þegar ég horfi til baka,

minningar sækja á mig.

Vonir sem lifa og vaka,

draumur sem snýst um þig.

 

Minningin um þig , sækir oft á mig.

Manstu eftir mér? Ég man eftir þér.

 

Nú ertu hættur á flótta,

kominn að finna mig.

Þú sem að þjáðist af ótta

við það að binda þig.

 

Ástin er engum reglum háð.

Það er aldrei of seint að elska.

 

Eftir ótal ár, ótal hjartasár.

Aftur fann ég þig, aftur fannst þú mig.

 

Við höfum fundið hvort annað,

byrjað á nýjan leik.

Við höfum sýnt það og sannað

að við erum hvergi smeyk.

 

Lag / Agnar Steinarsson og Júlíus Jónasson

Texti / Agnar Steinarsson

 

 

 Stálblóm.

 

Ég viðkvæm er og hörð af mér í senn.

Rótföst þegar leita á mig menn.

Og þó ég hafi ekki brotnað enn.

Innan undir húðinni ég brenn.

 

Ég er stálblóm, stend af mér storm.

Ég er stálblóm, mótuð í form.

Ég er stálblóm, blómið er falt.

Ég er stálblóm, stálið er kalt.

 

Stundum þarf að vökva lífsblómið

og stálið þarf að skerpa við og við.

Þó að blöðin fölni og falli um síð

munu rætur mínar lifa alla tíð.

 

Stirnir á stál.

Glittir í bál.

Blikar á blóm.

Gljáir af króm.

 

Lag / Agnar Steinarsson og Júlíus Jónasson.

Texti / Agnar Steinarsson

 

 

Saman á ný.

 

Nú átt þú hug minn , þú átt mitt hjarta.

Nú er horfið myrkrið svarta.

Þá tekur lífið við og við skulum lifa því,

og njóta svo vel þess sem við náum út úr því.

 

Engan hraða, ekkert streð,

við viljum aðeins fljóta með

og voð tökum glöð

því sem að höndum ber.

Ævinnar spor,

ég ætla að ganga þau með þér.

  

Við vorum ung og óreynd þá .

Nú betur við megum sjá,

hvað lífið gefur, hvað lífið ljær,

svo ljúfum blæ á vanga slær.

Nú allt við okkur brosir,

nú aftur sólin skín,

við náðum aftur saman, saman á ný.

 

Já allt til enda við verðum saman.

Við munum henda að mörgu gaman.

Þegar lítum við yfir farinn veg

verðum við sátt er ekki ástin undarleg?

 

Lag / Janis Ian

Texti /Júlíus Jónasson

 

 

Þú lýsir mér leið.

 

Hvert liggur leið, hvar liggja sporin?

Ævin er öll sem óskrifað blað.

Gatan er greið, greiðfær er förin

ef þú ert hér til að leiðbeina mér.

 

Þú lýsir mér leið,

leiðir mig burt úr hverri neyð.

Þú veitir mér von,

vilja og styrk og trú.

 

Hvert sem ég fer, hvar sem ég leita

ávallt ég á öruggan stað.

Hvar sem ég er vil ég þér veita

ást mína og þrá.

Það er allt sem ég á.

 

Þú lýsir mér leið,

leiðir mig burt úr hverri neyð.

Þú veitir mér von,

vilja og styrk og trú.

 

Hvert sem ég fer, hvar sem ég er,

þú lýsir mér leið.

 

Lag / Joe Brooks

Texti / Agnar Steinarsson

 

heim